Февраль 2019 - Страница 149 из 186

БРЭСТПажар у манастырыУ сераду ў недабудаваным двухпавярховым памяшканні, якое належыць Свята-Афанасьеўскаму мужчынскаму праваслаўнаму манастыру, адбыўся пажар. Як паведамілі ў прэс-службе абласнога ўпраўлення Міністэрства па надзвычайных сітуацыях, людзі не пацярпелі, агнём пашкоджаны будаўнічыя матэрыялы, мэбля, станочнае абсталяванне і 5 тон воску. Матэрыяльны ўрон ад пажару склаў каля 8 мільёнаў рублёў. Яго прычына высвятляецца.БРЭСЦКІ РАЁНМацнейшыя – гаспадары пляцоўкіУ аўторак на базе СШ Вялікія Матыкалы прайшоў калядны турнір па валейболе сярод дзяўчат. Званне мацнейшай аспрэчвалі каманды Матыкальскай, Астрамечаўскай і Велямовіцкай школ Брэсцкага раёна і Расненскай – Камянецкага. У выніку ўпартай барацьбы перамогу заваявалі гаспадары пляцоўкі. Удзельнікі турніру, спонсарам якога выступіла РУСП “СГЦ “Заходні”, адзначаны граматамі і прызамі.БАРАНАВІЧЫАбслугоўванне – на вышыніГарадскі выканаўчы камітэт падвёў вынікі падрыхтоўкі прадпрыемстваў і арганізацый да навагодніх свят. Улічваліся не толькі знешняе афармленне, але і выкананне паказчыкаў, культура абслугоўвання насельніцтва. У ліку пераможцаў: дом гандлю “Вясёлка”, гандлёвы дом “Цімбер”, магазіны ААТ “Прадукты”, а таксама “Златка”, “Падарункі”, “Савецкі”, “Южанка”, “Элара”, “Алеся”.БАРАНАВІЦКІ РАЁНХто ўкраў каўбасу?У вёсцы Ятвезь абкрадзены магазін. Гандлёвы аб’ект быў абсталяваны сігналізацыяй, але злодзеі трапілі ў памяшканне праз дах, зняўшы некалькі лістоў шыферу. Невядомыя вынеслі каўбасу, спіртныя напіткі і цыгарэты на суму больш чым 1 мільён 200 тысяч рублёў.БЯРОЗАЗаслужаныя людзі “Франдэсы”У ТДА “Франдэса” ўпершыню прайшоў конкурс “Чалавек года-2010”. Пераможцамі ў розных намінацыях сталі: галоўны энергетык Дзмітрый Мазейчык, юрысконсульт Уладзімір Белка, начальнік змены Яўген Паўлюковіч, эканаміст Наталля Канасевіч, намеснік гендырэктара па вытворчасці Васіль Міранішын, укладчык-упакоўшчык Дзмітрый Некрашэвіч. А самай дружнай камандай прадпрыемства прызнана бухгалтэрыя.ГАНЦАВІЧЫМінута славы раённага маштабуУчора вечарам у гарадскім Доме культуры прайшоў заключны тур праграмы “Мінута славы”, якая распачалася яшчэ да Новага года. З вялікай колькасці жадаючых бліснуць талентам у харэаграфіі, вакале і інструментальным жанры журы адабрала васьмярых. Сярод іх – Таццяна Раджэпава, Андрэй Шут, Уладзімір Савончык, калектывы ДК… І няхай толькі пераможцы дасталіся прызы, але мінуту славы раённага маштабу адчулі ўсе фіналісты.ДРАГІЧЫНАдслужу, як трэба, і вярнуся!..Такой колькасці юнакоў, як у чацвер, у школе мастацтваў, бадай, яшчэ не было ніколі. З усяго раёна прыехалі яны сюды, каб ва ўрачыстай абстаноўцы атрымаць павесткі ў армію. У гэты прызыў Узброеныя Сілы Рэспублікі Беларусь папоўняць 60 маладых драгічынцаў. Павіншаваць навабранцаў з важнай у іх жыцці падзеяй і даць ім наказ на дарогу прыйшлі прадстаўнікі ўлады, райваенкамата, раённай арганізацыі Беларускага саюза ветэранаў вайны ў Афганістане, родныя і сябры.ЖАБІНКАДакладны дыягназМедыкі райбальніцы пачалі апрабоўваць апарат ультрагукавой дыягностыкі японскай вытворчасці, які набылі за кошт раённага бюджэту. Навінка адпавядае ўсім сучасным патрабаванням і характарыстыкам. Апарат будзе прымяняцца ў акушэрстве і гінекалогіі для даследванняў унутраных органаў. Гэта дасць магчымасць ставіць дакладны дыягназ хворым.ІВАНАВАМотальскія Каляды на экранеВёска Моталь здаўна славіцца сваёй самабытнай культурай, з’яўляецца своеасаблівай візіткай Іванаўшчыны. Нядаўна палескую глыбінку наведалі госці са сталіцы – супрацоўнікі “Белтэлерадыёкампаніі”. Яны зрабілі каларытны тэлесюжэт аб тым, як рыхтуюцца янаўскія палешукі да калядных свят. Убачыць яго можна будзе 9 студзеня ў 9 гадзін вечара на Першым тэлеканале.ІВАЦЭВІЧЫТанцаваць не забараняеццаУ аўторак у Доме дзіцячай творчасці адбылася дабрачынная танцавальная праграма “Перадкалядны джайв-драйв” для цяжкіх падлеткаў, якія знаходзяцца на ўліку ў інспекцыі па справах непаўналетніх. На музычным вечары хлопцы і дзяўчаты маглі не толькі патанцаваць, але і пазнаёміцца, абмеркаваць свае праблемы. А дапамаглі ім у гэтым арганізатары танцавальнай праграмы – прадстаўнікі інспекцыі па справах непаўналетніх, работнікі аддзелаў адукацыі і па справах моладзі райвыканкама.КАМЯНЕЦЧытаем усёй сям’ёйАкцыя пад назвай “Разам з кнігай – у новы год” распачалася ў першыя дні студзеня ў дзіцячай раённай бібліятэцы. Будзе апрабавана новая форма работы – бацькоўскі дзень, які прысвечаны сямейнаму чытанню. Дарослыя змогуць пазнаёміцца з кніжна-ілюстраванай выставай, на ёй будуць прадстаўлены новыя выданні для дзяцей і кніжкі-малышкі для дашкольнікаў.КОБРЫНЛасункі ад дэсантнікаўВіншаванні, цацкі і ласункі напярэдадні Новага года прывезлі воіны-дэсантнікі 38-й асобнай мабільнай брыгады выхаванцам Кобрынскага дзіцячага дома. Удзячныя маленькія гаспадары падарылі дарослым гасцям свае творчыя таленты ў святочным канцэрце.ЛУНІНЕЦУспамінаючы год мінулы…Абвешчаны традыцыйны раённы конкурс на званне “Чалавек года-2010”. Прэтэндаваць на яго могуць тыя, хто прадэманстраваў высокія дасягненні ў сваёй сферы дзейнасці. Заяўкі прымае аддзел ідэалагічнай работы райвыканкама. Ну, а вынікі конкурсу і імёны пераможцаў стануць вядомыя ў лютым.ЛЯХАВІЧЫНовае шчасце ў новым домеУ навагоднія святы старшыня райсавета Яўген Юрлевіч шчыра віншаваў з наваселлем дзве сям’і неабыякавых да чужога болю ляхавіччан. Лідзія і Сяргей Канапельчанкі, у якіх двое сваіх дзяцей і чацвёра прыёмных, а таксама Святлана і Аляксандр Страмавусы з 5-цю прыёмнымі дзецьмі (двое ўласных ужо выраслі) засяліліся ў дзіцячыя дамы сямейнага тыпу. Грошы ў суме 1 мільярда рублёў на іх будаўніцтва выдзелены з рэспубліканскага і абласнога бюджэтаў у рамках выканання прэзідэнцкай праграмы “Дзеці Беларусі”, а звыш 50 мільёнаў рублёў з раённага бюджэту было накіравана на набыццё мэблі, бытавой тэхнікі, цацак.МАЛАРЫТАМільён на падарункіТэрытарыяльны цэнтр абслугоўвання насельніцтва правёў акцыю “Ёлка жаданняў”. У ходзе яе на рахунак цэнтра паступіла каля мільёна рублёў. Усе сродкі пайшлі на набыццё салодкіх падарункаў для дзяцей-інвалідаў, дзяцей з малазабяспечаных сем’яў і з сем’яў асоб сіроцкай катэгорыі, якія былі ім уручаны на Новы год і Каляды. Асноўнымі спонсарамі акцыі сталі прадпрымальнікі, фермерскія гаспадаркі і прыватныя прадпрыемствы раёна. 55 падарункаў для маладых інвалідаў паступіла з РУП “Белмытнясэрвіс”.ПІНСКПад ёлкай – агрэгатСамы вялікі падарунак да навагодняга свята атрымала Пінская друкарня. Тут усталявалі новы агрэгат па выпуску друкаваных форм агульным коштам 335 мільёнаў рублёў. Абсталяванне, якое павінна палегчыць работу пінскім друкарам, выраблялася ў Венгрыі. Наладзіць новую “машыну” пінчанам дапамаглі супрацоўнікі фірмы-пастаўшчыка “Гетц Груп”.ПІНСКІ РАЁНСтымул для школьнікаўНапярэдадні Новага года ў Лагішынскай сярэдняй школе ўшанавалі пераможцаў другога этапа прадметнай рэспубліканскай алімпіяды. Акрамя падарункаў ад раённай арганізацыі “Белая Русь” і грамат адміністрацыі школы, школьнікі атрымалі грашовыя прэміі, якія падрыхтаваў бацькоўскі камітэт.ПРУЖАНЫТам, дзе жылі Сапегі…Завершаны першы этап рэстаўрацыйных работ у палацавым комплексе Сапегаў. Цяпер ва ўсходнім флігелі ствараецца музей “Ружанскі палацавы комплекс Сапегаў”. Плануецца, што ў бліжэйшай будучыні візітная картка Ружан будзе адкрыта для наведвальнікаў, а супрацоўнікі музея ўжо гатовыя правесці захапляльныя экскурсіі.СТОЛІНФранцыя стала яшчэ бліжэйСупрацоўнікі мясцовага фонду “Цэнтр падтрымкі сельскага развіцця і прадпрымальніцтва” нарэшце задаволілі цікавасць жыхароў вёскі Велямічы. Па шматлікіх просьбах супрацоўнікі цэнтра Аляксей Дзямко і Канстанцін Машлякевіч падрыхтавалі справаздачу пра нядаўнюю паездку ў Францыю і пазнаёмілі з ёю прысутных. Вяскоўцы атрымалі кампетэнтныя адказы на свае пытанні пра развіццё сельскай гаспадаркі за мяжой.

Февраль 2019
Пн	Вт	Ср	Чт	Пт	Сб	Вс
				1	2	3
4	5	6	7	8	9	10
11	12	13	14	15	16	17
18	19	20	21	22	23	24
25	26	27	28