Прэзідэнт Беларусі Аляксандр Лукашэнка на Каляды, 7 студзеня, наведаў храм-помнік у гонар Усіх Святых у Мінску. Тут Кіраўнік дзяржавы разам з Мітрапалітам Мінскім і Слуцкім Паўлам, Патрыяршым Экзархам усяе Беларусі, запаліў калядную свечку. З нагоды свята Аляксандр Лукашэнка падарыў мітрапаліту сервіз з выявамі Мінскага Свята-Духава кафедральнага сабора. У сваю чаргу мітрапаліт Павел уручыў Прэзідэнту факсімільную копію старажытнага Евангелля.