Наш адказ Леанэлю Месі

Юныя футбалісты Драгічыншчыны годна выступілі ў абласным фінальным спаборніцтве па футболе “Скураны мяч”. Ва ўзроставай групе 1998-1999 гадоў нараджэння яны заваявалі 1-е месца і атрымалі права ў верасні ў Гомелі згуляць у рэспубліканскім фінале. Хлопцы 2000-2001 гадоў нараджэння заваявалі “серабро”. Лепшым іграком фіналу ў старэйшай групе быў названы вучань СШ №1 г. Драгічына Уладзіслаў Раманюк, а сярод бамбардзіраў першынстваваў Арцём Кукса з Бездзежскай школы. У малодшай групе лепшым варатаром стаў Арцём Лазюк з Пярковіцкай СШ.