Насычаная субота

Заўтра раніцай ля кінатэатра “Маладосць” у Ганцавічах збяруцца ўдзельнікі першай групы выязнога пасяджэння аблвыканкама на чале з кіраўніком вобласці Канстанцінам Сумарам. Каб усебакова абмеркаваць пытанне “Аб ходзе выканання рашэння аблвыканкама ад 22 ліпеня 2013 года “Аб мерах, якія прымаюцца па павышэнні эфектыўнасці малочнай жывёлагадоўлі, на прыкладзе Лунінецкага і Ганцавіцкага раёнаў”, члены аблвыканкама, старшыні райвыканкамаў, начальнікі райсельхарчаў наведаюць сельгаспрадпрыемствы раёна. Затым, у Лунінцы, дзе збяруцца дзве групы ўдзельнікаў пасяджэння, акрамя асноўнага пытання, будуць заслуханы справаздачы намеснікаў старшыні аблсельгасхарчу пра  ход зімова-стойлавага ўтрымання жывёлы.