Свет стаіць перад пагрозай паўтарэння катастрафічнай эпідэміі птушынага грыпу

Харчовая і сельскагаспадарчая арганізацыя ААН заявіла, што свет стаіць перад пагрозай паўтарэння катастрафічнай эпідэміі птушынага грыпу, якая назіралася ў 2006 годзе. Тады яна ахапіла 63 краіны і прывяла да гібелі і вымушанага забою больш як 400 мільёнаў дамашніх курэй і качак, а эканамічны ўрон склаў каля 20 мільярдаў долараў. Памерлі таксама 300 чалавек, якія заразіліся вірусам H5N1.