Юныя пінчане атрымалі прэміі спецфонду Прэзідэнта Беларусі па падтрымцы таленавітай моладзі.

Для навучэнцаў Пінскай дзіцячай школы мастацтваў Таццяны Аляхновіч і Ангеліны Лукша прыйшла навіна з савета спецфонду Прэзідэнта Беларусі па падтрымцы таленавітай моладзі. Таццяне, лаўрэату VI рэспубліканскага адкрытага конкурсу выканаўцаў на народных інструментах імя І.І. Жыновіча, прысуджана прэмія і званне дыпламанта фонду. А Ангеліне, лаўрэату Міжнароднага дзіцячага і юнацкага конкурсу-фестывалю “Таленты без меж”, аказана матэрыяльная дапамога.