Па абласным цэнтры пачаў хадзіць… паэтычны тралейбус

З 24 ліпеня па абласным цэнтры пачаў хадзіць… паэтычны тралейбус. На працягу 8 дзён ён праедзе па ўсіх існуючых тралейбусных маршрутах. Вершы беларускіх класікаў у час паездкі чытаюць выкладчык філалагічнага факультэта БрДУ імя А.С. Пушкіна Уладзімір Сенькавец, берасцейскія пісьменнікі Зінаіда Дудзюк, Іван Мельнічук, Мікола Сянкевіч (дарэчы, усе яны – пастаянныя аўтары “Народнай трыбуны”). Ініцыятарам стварэння паэтычнага тралейбуса выступіла цэнтральная гарадская бібліятэка імя А.С. Пушкіна.