У Маларыце адкрылася выстава вышыўкі акцёра Брэсцкага тэатра лялек

У Маларыцкай раённай бібліятэцы адкрылася выстава “намаляваных” ніткамі карцін акцёра Брэсцкага тэатра лялек Андрэя Палянскага. Вышываныя работы – сапраўдны цуд. Напрыклад, карціну “Ператварэнне” Андрэй “пісаў” 5 месяцаў, а налічвае яна амаль 190 тысяч крыжыкаў. Аўтарскія пейзажы, партрэты, рэпрадукцыі вядомых жывапісных палотнаў у інтэрпрэтацыі-вышыванцы можна пабачыць да 17 лістапада.