У Пружанах прайшло свята вуліцы Рыгора Шырмы

У першы дзень ліпеня ў Пружанах прайшло свята вуліцы Рыгора Шырмы. У памяць аб вядомым дзеячу культуры землякі ўсталявалі мемарыяльную дошку на будынку вучэбна-вытворчага камбіната. На свяце былі ўшанаваны ветэраны вайны, лепшыя працаўнікі вуліцы, шматдзетныя сем’і, прайшлі конкурсы на лепшы двор і пад’езд, лепшага народнага ўмельца, спартыўныя спаборніцтвы. Калектывы мастацкай самадзейнасці Палаца культуры парадавалі прыгожым канцэртам.