Выйшла кніга “Гісторыя Пінска ад старажытнасці да сучаснасці”

Навукоўцы Інстытута гісторыі Нацыянальнай акадэміі навук Беларусі пры падтрымцы Пінскага гарвыканкама выпусцілі кнігу “Гісторыя Пінска ад старажытнасці да сучаснасці”, ідэя напісання якой нарадзілася яшчэ ў 2007 годзе. Падобную кнігу – такое ж грунтоўнае, прыгожа аформленнае выданне – мае толькі Мінск. У кнізе апісана гісторыя горада над Пінай, прыведзена шмат цікавых фактаў, звязаных з археалагічнымі знаходкамі новага часу.