Жыхарка Пружан дапамагла міліцыі затрымаць злачынца

Прадавец магазіна “Санар” у Пружанах Наталля Турынава аказалася ў непрыемнай сітуацыі, але не разгубілася і дала адпор рабаўніку, які нападаў на жанчын у райцэнтры. Дзякуючы атрыманым ад яе звесткам, міліцыя ў хуткім часе затрымала злачынцу. А Наталлю Мікалаеўну кіраўніцтва Пружанскага РАУС узнагародзіла граматай і грашовай прэміяй за актыўную грамадскую пазіцыю і садзейнічанне праваахоўным органам у раскрыцці злачынства. Узнагароду Наталлі нядаўна ўручылі на рабочым месцы, каб і калегі, і наведвальнікі магазіна ведалі аб яе смелым учынку.