Заўтра адбудзецца велапрабег “За вела-Брэст”, прымеркаваны да Сусветнага дня без аўтамабіля

29 верасня на дарогах Брэста будзе шмат веласіпедыстаў. Велапрабег “За вела-Брэст”, прымеркаваны да Сусветнага дня без аўтамабіля і Сусветнага дня турызму, праводзіцца грамадскай суполкай “Дзедзіч” пры падтрымцы Брэсцкага гарвыканкама. Гэта выдатная магчымасць паказаць брастаўчанам, што веласіпедыстаў становіцца ўсё больш, а ездзіць на веласіпедзе карысна і модна. Маршрут прабегу – ад Брэсцкай крэпасці да СК “Вікторыя”. Пасля велапрабегу ўсіх жадаючых чакае гульня велаквест ад “RadioSTART”. Тры лепшыя каманды атрымаюць каштоўныя прызы.