Адбудзецца зімовая спартакіяда «Брэсцкая лыжня-2010»

24 і 30 студзеня на вяслярным канале ў Брэсце адбудзецца абласная зімовая спартакіяда «Брэсцкая лыжня-2010». На першым этапе, які пройдзе заўтра, выступяць каманды гар- і райвыканкамаў, аддзелаў, упраўленняў аблвыканкама, сілавых структур, вышэйшых навучальных устаноў, участковых інспектараў вобласці; на другім – у наступную суботу – пройдуць спаборніцтвы сярод мацнейшых спартсменаў гарадоў і раёнаў Брэстчыны, эстафеты сярод жыхароў аграгарадкоў, спартыўных сем’яў. Урачыстае адкрыццё спартакіяды – у 11 гадзін 24 студзеня. Прыняць удзел у ёй арганізатары запрашаюць усіх жадаючых.