Адбыўся парыў магістральнага нафтаправода Мазыр – Брэст

У апошні вечар жніўня на тэрыторыі Драгічынскага раёна адбыўся парыў магістральнага нафтаправода Мазыр – Брэст. У ліквідацыі вынікаў аварыі, падчас якой, па дадзеных спецыялістаў, разлілося каля 5 метраў кубічных нафты, прымалі ўдзел больш за 40 супрацоўнікаў МНС і РУП “Гомельтранснафта”. Пацярпелых няма. Як стала вядома, прычынай аварыі з’явілася незаконная ўрэзка ў нафтаправод.