Адкрылася паромная пераправа праз раку Прыпяць

Паромная пераправа праз раку Прыпяць урачыста адкрылася напрыканцы мінулага тыдня. На цырымоніі з гэтай нагоды прысутнічалі намеснік старшыні аблвыканкама Мікалай Крывецкі, старшыня Лунінецкага райвыканкама Васіль Агіевіч і кіраўнік прадпрыемства-генпадрадчыка “Днепра-Бугскі водны шлях” Мікалай Кацецкі. Будаўніцтва парома, які злучае Лунінецкі і Столінскі раёны, пачалося ў мінулым годзе, на яго было выдаткавана каля 7,7 мільярда рублёў.