Брэстчына стала лідарам па росце рэальнай зарплаты

Брэсцкая вобласць у студзені 2013 года стала лідарам сярод рэгіёнаў Беларусі па росце рэальнай зарплаты – тэмп яе росту ў параўнанні са студзенем 2012 года склаў 127,3 працэнта. Праўда, па яе ўзроўні Брэстчына па-ранейшаму займае апошняе месца ў краіне з сярэднямесячным заробкам 3 мільёны 814,6 тысячы рублёў. Аб гэтым паведамілі ў Нацыянальным статыстычным камітэце.