На чарговым пасяджэнні Савета кіраўнікоў дзяржаў СНД, якое праходзіць сёння ў Мінску, плануецца разгледзець 17 пытанняў у гуманітарнай сферы, галіне забеспячэння бяспекі і іншых кірунках. Найбольш значнымі з іх з’яўляюцца гуманітарныя праекты, прысвечаныя падрыхтоўцы да святкавання 70-й гадавіны Перамогі савецкага народа ў Вялікай Айчыннай вайне 1941-1945 гадоў. А ўчора ў Мінску адбылося пасяджэнне Вышэйшага Еўразійскага эканамічнага савета на ўзроўні кіраўнікоў дзяржаў. На ім абмеркаваны развіццё інтэграцыі і ход работы над праектам дагавора аб Еўразійскім эканамічным саюзе.