Свой аўтамабіль

Ход рэалізацыі інвестпраекта па выпуску ў Барысаўскім раёне легкавых аўтамабіляў абмеркаваны 14 студзеня на рабочай сустрэчы Прэзідэнта Беларусі Аляксандра Лукашэнкі з Прэм’ер-міністрам Міхаілам Мясніковічам і старшынёй Мінскага аблвыканкама Сямёнам Шапірам. Пры гэтым вытворчасць у Беларусі айчыннага легкавога аўтамабіля на ўзроўні сусветных стандартаў Прэзідэнт паставіў у адзін шэраг з рэалізацыяй праектаў у сферы космасу і будаўніцтвам АЭС.