Задзейнічаць інтэрнэт

У аблвыканкаме прайшоў семінар-нарада па пытаннях арганізацыі падрыхтоўкі і правядзення выбараў у мясцовыя Саветы дэпутатаў. Удзел у ім прыняў сакратар Цэнтральнай камісіі па выбарах і правядзенні рэспубліканскіх рэферэндумаў Мікалай Лазавік. Удзельнікі абмеркавалі новаўвядзенні сёлетняй выбарчай кампаніі, адзначылі, што праходзіць яна ў штатным рэжыме. Мікалай Лазавік заўважыў: варта актыўней выкарыстоўваць інтэрнэт-рэсурсы, асабліва гэта тычыцца гарадскіх і раённых выканкамаў.