Беларусь

Абвешчана абласное літаратурнае спаборніцтва сярод дзяцей і юнацтва


“Без дружбы мне –  як без вады і хлеба”
Конкурс, прысвечаны 70-годдзю выдатнай беларускай паэтэсы Ніны Мацяш,  праводзіцца Брэсцкім абласным аддзяленнем Саюза пісьменнікаў Беларусі і кафедрай беларускага літаратуразнаўства філалагічнага факультэта Брэсцкага дзяржаўнага ўніверсітэта імя А.С. Пушкіна сумесна з галоўным упраўленнем ідэалагічнай работы, а таксама ўпраўленнямі культуры і адукацыі Брэсцкага аблвыканкама. Яго мэта – выяўленне літаратурна-творчых талентаў навучэнцкай моладзі і падтрымка маладых літаратараў Брэстчыны.
Узроставая катэгорыя ўдзельнікаў конкурсу: да 30 год.
Колькасць месцаў: 6 (1 – першае, 2 – другія, 3 – трэція).
Журы, у склад якога ўваходзяць вядомыя пісьменнікі, вучоныя-філолагі, літаратурныя крытыкі, выдаўцы і грамадскія дзеячы Брэстчыны, вызначыць лепшыя работы ў кожнай катэгорыі.
Пераможцы ўзнагароджваюцца дыпломамі і прызамі (кнігі, часопісы). Лепшыя творы (проза, паэзія, эсэ, драматургія) будуць апублікаваны. Конкурсныя работы дасылаюцца да 10 верасня 2013 года на адрас: 224013 г. Брэст, пр-т Машэрава, 75/1, пакой 605, Брэсцкае абласное аддзяленне Саюза пісьменнікаў Беларусі, з паметкай “На конкурс”, або (пажадана) на электронны адрас: krejdzich@tut.by.
Вынікі конкурсу будуць падве-дзены да 1 лістапада 2013 года.
Уручэнне дыпломаў і прызоў мяркуецца ў другой палове лістапада 2013 года падчас уганаравання лаўрэатаў абласной літаратурнай прэміі імя Уладзіміра Калесніка ў межах літаратурнага свята “Лунінская восень”.
Конкурсныя работы павінны быць надрукаваны на адной старонцы папяровага ліста (памер – А-4). Агульны аб’ём работы не можа перавышаць 3 (трох) лістоў фармату А-4.
На тытульным лісце неабходна ўказаць:
– прозвішча, імя, імя па бацьку;
– дату нараджэння;
– месца працы або вучобы;
– адрас для перапіскі;
– нумары кантактных тэлефонаў;
– е-mail (калі ёсць).
Работы, дасланыя пасля ўказанага тэрміну, не разглядаюцца.
Дасланыя матэрыялы не рэцэнзуюцца і не вяртаюцца.
Анатоль КРЭЙДЗІЧ,
старшыня абласнога
аддзялення Саюза пісьменнікаў Беларусі.

Абвешчана абласное літаратурнае спаборніцтва сярод дзяцей і юнацтва
Оцените статью

Добавить комментарий

Авторизация
*
*
Генерация пароля