Беларусь

“Рыбны” крымінал


Камітэт дзяржкантролю вобласці правёў праверку філіяла “Рыбгас “Сакалова” ААТ “Палессегіправадгас”
У ходзе яе  ўстаноўлены не толькі факты ігнаравання ім рэалізацыі мерапрыемстваў, якія прадугледжаны  Дзяржаўнай праграмай развіцця рыбагаспадарчай дзейнасці  на 2011-2015 гады, але і прад’яўлення ў органы дзяржаўнай статыстыкі недакладных справаздачных дадзеных, нясвоечасовай выплаты заработнай платы. Выяўлены таксама парушэнні дзеючага заканадаўства аб бухгалтарскім уліку і справаздачнасці, аб абыходжанні з адходамі, знешнеэканамічнай дзейнасці, заняткаў безліцэнзійнай дзейнасцю (міжнародныя аўтамабільныя перавозкі) і іншыя.
Разам з гэтым, устаноўлена, што да цяперашняга часу на рахункі прадпрыемства не паступілі грашовыя сродкі ў  памеры 3,4 мільёна расійскіх рублёў ад рэалізацыі ім за межы рэспублікі ў перыяд з 26.12.2011 г. па 28.01.2012 г. жывой рыбы ў колькасці больш за 51 тону.
Па матэрыялах праверкі філіяла “Рыбгас “Сакалова” ААТ “Палессегіправадгас” Камітэтам дзяржкантролю да адміністрацыйнай адказнасці прыцягнуты 6 адказных асоб на суму 10,8 мільёна рублёў. На ААТ “Палессегіправадгас” накладзены штраф у памеры 942,3 мільёна рублёў.
Матэрыялы праверкі перададзены ва ўпраўленне дэпартамента фінансавых расследаванняў КДК па Брэсцкай вобласці, якім па  сумесна  праведзеных з УУС аблвыканкама следчых мерапрыемствах, у адносінах да былога кіраўніка рыбгаса ўзбуджана крымінальная справа.
Віктар ВАСІЛЕЎСКІ,
спецыяліст КДК Брэсцкай вобласці.

Добавить комментарий

Авторизация
*
*
Генерация пароля