Беларусь

Сёння – Сусветны дзень некурэння


Па дадзеных Сусветнай арганізацыі аховы здароўя больш за 5,5 мільёна чалавек у свеце штогод паміраюць па прычынах, якія звязаны з курэннем. Узровень распаўсюджання тытунёвай эпідэміі і ў нашай краіне застаецца высокім: у Беларусі кураць больш за 47 працэнтаў мужчын і 17 – жанчын, а больш за палову насельніцтва церпіць ад наступстваў пасіўнага курэння, калі чалавек знаходзіцца побач з курцом ці дыхае забруджаным тытунём паветрам у грамадскіх і іншых месцах. Такой сумнай статыстыкай пацвярджалі свае аргументы ўдзельнікі «круглага стала» на тэму «Сусветны дзень некурэння: прафілактыка анкалагічных хвароб», які прайшоў у абласным цэнтры гігіены, эпідэміялогіі і грамадскага здароўя. Гэтым мерапрыемствам пачалася інфармацыйна-прафілактычная акцыя, якую сумесна арганізавалі на Берасцейшчыне медыкі, міліцыя, пажарныя, маладзёжныя і іншыя грамадскія арганізацыі.
На думку Галіны Стасевіч, загадчыка аддзела грамадскага здароўя, неабходна павышаць дасведчанасць людзей аб шкодзе курэння. А галоўны ўрач абласнога наркалагічнага дыспансера Аляксандр Бяльдэйка перакананы: змагацца найперш трэба за тое, каб падлеткі пазбягалі цыгарэтнай спакусы. Што тычыцца дарослых, дык тут медыкі заклапочаны сур’ёзна: расце колькасць анкалагічных паталогій, а сувязь паміж узнікненнем раку і тытунём устаноўлена адназначная.
Безумоўна, маладое пакаленне бярэ за прыклад старэйшых. Таму антытытунёвую кампанію, напрыклад, супрацоўнікі органаў аховы правапарадку вырашылі падтрымаць практычна: упраўленне ўнутраных спраў аблвыканкама абвясціла акцыю «Сіла волі ёсць!» Міліцыянеры, якія адмовяцца ад шкоднай звычкі, будуць заахвочаны.
Святлана ТАБОЛІЧ, «НТ».

Сёння – Сусветны дзень некурэння
Оцените статью

Добавить комментарий

Авторизация
*
*
Генерация пароля