Чытаць і перачытваць

У сераду, 12 чэрвеня, супрацоўнікі Камянецкай раённай цэнтральнай бібліятэкі імя У.М. Ігнатоўскага арганізавалі адкрытую кніжную выставу ля Дома быту ў Камянцы. “Цікавая кніга: чытаем і перачытваем” – гэты заклік бібліятэкараў знайшоў водгук у гараджан. На выставе можна было не толькі паглядзець літаратуру, але і адразу ж узяць дамоў, бо запіс кніг праводзілі на месцы. Больш таго – платны фонд бібліятэкі выдавалі ў гэты дзень бясплатна.