На Століншчыне рыхтуюцца да пленэру ганчароў

Да III Міжнароднага пленэру ганчароў, які пройдзе ў вёсцы Гарадная з 16 па 25 ліпеня, рыхтавацца пачалі ўжо зараз. На сайце аддзела культуры райвыканкама з’явіліся падрабязныя ўмовы правядзення традыцыйнай летняй імпрэзы. Сярод іх – і абавязковае патрабаванне да ўдзельнікаў: падрыхтаваць калекцыю не менш чым з трох экспанатаў, якая потым застанецца ва ўласнасці Цэнтра ганчарства ў Гарадной. Ну, а заяўкі на ўдзел у пленэры прымаюцца да 20 мая.