Падатковыя органы Брэсцкай вобласці даналічылі ў бюджэт больш за 3 мільярды рублёў

Падатковыя органы Брэсцкай вобласці пасля праверак індывідуальных прадпрымальнікаў у студзені-жніўні 2012 года даналічылі ў бюджэт больш за 3 мільярды рублёў. Як паведамілі ў прэс-цэнтры абласной інспекцыі Міністэрства па падатках і зборах, у параўнанні з аналагічным перыядам мінулага года колькасць індывідуальных прадпрымальнікаў, у якіх па выніках праверак знойдзены парушэнні, узрасла на 140 чалавек, а агульная сума даналічэнняў павялічылася на 1,4 мільярда рублёў.