Беларусь

Маладзёжны мерыдыян


Заўтрашні стыль
14 сакавіка ў Брэсце адбудзецца абласны фестываль-конкурс маладых мадэльераў і дызайнераў адзення “Стыль-2010”.
У грамадска-культурным цэнтры па вуліцы Камуністычнай у 15 гадзін пачнецца свята моды. За званні лепшых і пуцёўкі на рэспубліканскі фінал паспрачаюцца юныя аматары фэшн-індустрыі і пачынаючыя мадэлі.  14 сакавіка ў Брэсце адбудзецца абласны фестываль-конкурс маладых мадэльераў і дызайнераў адзення “Стыль-2010”.

Рознакаляровыя танцы

Заўтра ў Брэсцкім гарадскім Доме культуры адбудзецца вечарына “Дыскатэка яркіх фарбаў”.
Гаркам БРСМ праводзіць мерапрыемства для вучняў сярэдніх агульнаадукацыйных школ. У праграме – вясеннія конкурсы, музычныя кампазіцыі ад дыджэя Дзмітрыя Папова, выступленні рамантычнага выканаўцы Deep Great і дзяўчат з эстрадна-спартыўнага клуба “Чыкага”. Шоу пачнецца ў 18 гадзін.

Сучасныя рыцары
Аддзел адукацыі Маларыцкага райвыканкама, МРАС ДТСААФ і райкам БРСМ правялі традыцыйны рыцарскі турнір сярод школьных каманд.
У спаборніцтвах, якія праходзілі на базе раённай гімназіі, прынялі ўдзел 12 каманд. Юнакі падцягваліся на перакладзіне, падымалі 16-кілаграмовую гіру, стралялі з пнеўматычнай вінтоўкі, гулялі ў дартс, удзельнічалі ў ваенізаванай эстафеце, а капітаны мераліся сіламі ў конкурсе тэарэтычнай падрыхтоўкі. У выніку перамаглі гаспадары, на другім месцы – каманда Арэхаўскай СШ, трэцяе месца занялі вучні СШ №2 г.Маларыты.

Андэграўнд – жывы!
У ДК прафсаюзаў прайшоў конкурс рок-калектываў “X-star”.
Фэст арганізавалі Брэсцкі гарвыканкам і папулярны гурт “Спасение”. У журы былі такія рок-зоркі, як гітарыст Майкл Чобі з Чыкага, саліст гурта “Спасение” Ігар Муха. Перамога дасталася калектыву “Ushaia”. Другое і трэцяе месцы адпаведна занялі каманды “D_tails” і “СТПТЦ”. Альтэрнатыўны музычны форум – цудоўная магчымасць музыкантам андэграўнда выйсці на вялікую сцэну.

Супраць піва
У сераду ў Ляхавічах стартаваў першы тур раённай акцыі “Не – піву і слабаалкагольным напіткам у грамадскіх месцах”.
Ляхавіцкі райкам ГА “БРСМ” абвясціў конкурс на лепшы сцэнарый мерапрыемства па гэтай тэме. Да ўдзелу запрашаюцца школьнікі.

Маладзёжны мерыдыян
Оцените статью

Добавить комментарий

Авторизация
*
*
Генерация пароля