Беларусь

20 красавіка – Вялікдзень


Паслязаўтра – Вялікдзень! Самае чыстае, самае жаданае і светлае свята, якое прыносіць асаблівую, невыказную радасць. Прырода абуджаецца ад зімовага сну. Час ночы і цемры прыемна скарачаецца, дзень павялічваецца, сонца перамагае змрок. Мяняюцца і людзі. Уваскрэсенне Хрыстова –
таямніца, якая ўслаўляе перамогу дабра над злом, набліжае чалавека да разумення Бога. Урачыстае свята спрыяе яднанню людзей вакол ідэалаў дабра і міласэрнасці. У гэтыя дні мы імкнёмся да стваральных і дабрачынных спраў дзеля выхавання ўласнай душы і ўпрыгожвання свету вакол нас. Вялікдзень – пара для пошуку пакутлівых адказаў на пытанні пра сэнс усяго існага, для пошукаў сваёй будучыні…
Сёння і заўтра мы ў перадсвяточных клопатах. Не толькі мы, дарослыя, але таксама нашы дзеці і ўнукі. Як, напрыклад, юныя сябры майстэрні мяккай цацкі “Бусляня” Жабінкаўскага цэнтра творчасці дзяцей і моладзі Віка Смактуновіч, Аляксандра Макарэвіч, Ксенія Дзенісюк і Кацярына Пацяйчук. Пад кіраўніцтвам педагога дадатковага навучання Наталлі Уласюк (на здымку) дзяўчынкі з вялікім жаданнем і ахвотай вырабляюць цацкі святочнай тэматыкі, каб падарыць іх бацькам і папоўніць багатую калекцыю вырабаў установы.
Мікола СЯНКЕВІЧ, “НТ”,
г. Жабінка.

20 красавіка – Вялікдзень
Оцените статью

Добавить комментарий

Авторизация
*
*
Генерация пароля