Паважаныя жыхары Берасцейшчыны!
Прыміце шчырыя віншаванні з Днём Незалежнасці Рэспублікі Беларусь!
Дзень Незалежнасці – свята духоўнага яднання нацыі. Гэты дзень сведчыць пра тое, што толькі разам мы захаваем у нашым грамадстве такія каштоўнасці, як самастойнае існаванне Беларусі, мір і спакой, сумленную працу і дабрабыт як яе вынік.
У гісторыі нашай Айчыны 3 ліпеня з’яўляецца знамянальнай і святой датай – у гэты дзень ад нямецка-фашысцкіх захопнікаў была вызвалена сталіца Беларусі. Выгнанне ворага стала пачаткам адраджэння нашай краіны. Беларускі народ яшчэ раз даказаў, што ваенная доблесць і працоўныя подзвігі з’яўляюцца неад’емнай часткай нацыянальнага абавязку народа перад сваёй Бацькаўшчынай.
Сёння Брэстчына ўпэўнена глядзіць у будучыню, кожны з нас сваёй працай робіць унёсак у сацыяльна-эканамічнае развіццё вобласці. Толькі разам мы зробім усё, каб Берасцейшчына і надалей заставалася квітнеючым кутком незалежнай Беларусі.
Дарагія землякі! Прыміце словы падзякі за вашу працу, актыўны ўдзел у жыццядзейнасці вобласці. Надалей заставайцеся “залатымі людзьмі”, як назваў вас Кіраўнік беларускай дзяржавы Аляксандр Лукашэнка. У гэты святочны дзень жадаем усім берасцейцам моцнага здароўя, дабрабыту, шчасця, кахання і веры ў асабістыя сілы! Няхай Дзень Незалежнасці заўсёды будзе для вас днём радасці і гонару за Беларусь! Са святам!
АБЛАСНЫ ВЫКАНАЎЧЫ КАМІТЭТ. АБЛАСНЫ САВЕТ ДЭПУТАТАЎ.
3 ліпеня – Дзень Незалежнасці Рэспублікі Беларусь
