На Брэстчыне зарэгістраваны выпадкі блакіроўкі камп’ютараў невядомай шкоднай праграмай

Гэта праграма пры загрузцы камп’ютараў блакіруе работу аперацыйнай сістэмы быццам бы з-за прагляду і распаўсюджвання карыстальнікам дзіцячага… гей-порна.
Для разблакіроўкі камп’ютара карыстальніку прапануецца заплаціць пэўныя сумы ў беларускіх рублях на рахункі абаненцкіх нумароў розных аператараў сотавай сувязі, а таксама на электронныя кашалькі, што ўказваюцца ў паведамленні, якое выводзіцца на экране заражанага камп’ютара.
Прыклад такога паведамлення:
“Windows заблакаваны! Прычына: прагляд і распаўсюджванне дзіцячага гей-порна. Для разблакіроўкі Windows неабходна заплаціць штраф у памеры 200000 рублёў. Інструкцыя па аплаце штрафу:
1. Знайдзіце бліжэйшы тэрмінал аплаты мабільнай сувязі.
2. Выберыце аператара сотавай сувязі і ўкажыце нумар +375ХХХХХХХ.
3. Унясіце купюры ў купюрапрыёмнік. Вазьміце квітанцыю.
Пасля аплаты на выда-дзеным чэку знайдзіце нумар паведамлення і ўвядзіце яго ў поле ніжэй.
Калі аплата і праверка прайшлі паспяхова, блакіроўка з камп’ютара будзе знята, а ваша справа выдалена з архіваў МУС Беларусі.
ВАЖНА: калі на працягу 12 гадзін з моманту з’яўлення гэтага паведамлення ў rlr не будзе ўведзены код, усе да-дзеныя, уключаючы Windows і Bios, будуць беззваротна выдалены”.
Што рабіць, калі вы атрымалі такое паведамленне? Неабходна звярнуцца да спецыялістаў, якія аказваюць паслугі па праграмным забеспячэнні. Ні ў якім выпадку не пералічвайце грошы!
Супрацоўнікі міліцыі просяць грамадзян, якія пералічылі ўжо пэўныя сродкі  для разблакіроўкі камп’ютараў ад шкоднай праграмы, тэрмінова паведаміць аб гэтым у міліцыю па тэлефоне 102.
Сяргей ДУЧЭНКА,
начальнік аддзела інфармацыі і грамадскіх
сувязей УУС аблвыканкама.