Брэсцкая абласная тэрытарыяльная выбарчая камісія на сваім першым пасяджэнні зацвердзіла межы акруг па выбарах у абласны Савет дэпутатаў. Усяго створана 57 выбарчых акруг – на тры менш, чым было раней. Абраны таксама кіруючы склад абласной выбарчай камісіі. Яе старшынёй стаў Анатоль Кісялёў, вылучаны абласной арганізацыяй прафсаюза работнікаў дзяржаўных і іншых устаноў. На Брэстчыне створана таксама 219 гарадскіх, раённых, пасялковых і сельскіх тэрытарыяльных выбарчых камісій, у склад якіх увайшлі 1782 чалавекі, сярод якіх 270 прадстаўляюць прафсаюзы, па 52 – БРСМ і грамадскае аб’яднанне ветэранаў, 50 – Беларускі саюз жанчын, 43 – РГА “Белая Русь” і 26 – палітычныя партыі.