На дзяжурства – з Дзедам Марозам

Брэсцкія супрацоўнікі Дзяржаўтаінспекцыі ў апошні дзень 2013 года дзяжурылі на вуліцах абласнога цэнтра разам з Дзедам Марозам і Снягуркай. Віншавальна-прафілактычная акцыя “У Новы год з бяспекай” стартавала апоўдні і працягвалася да таго часу, пакуль у мяху ў Дзеда Мароза не закончыліся падарункі. Удзельнікі гэтага незвычайнага “дэсанту” спынялі вадзіцеляў транспартных сродкаў, вялі з імі прафілактычныя гутаркі і ўручалі падарункі-бонусы.