Сёння ў Брэсце маладыя дэсантнікі пакажуць, чаго яны вартыя, а паглядзець на гэта можа кожны
Дзень заснавання паветрана-дэсантных войскаў з’яўляецца асаблівым для кожнага, хто хоць раз прымерыў блакітны берэт і цяльняшку, а таксама назаўсёды пераадолеў свой страх, скокнуўшы з парашутам. За больш чым тры дзясяткі гадоў існавання 38-й асобнай мабільнай гвардзейскай Венскай Чырванасцяжнай брыгады праз яе прайшло шмат пакаленняў байцоў, якія без перабольшання называюць дэсантуру сваёй другой сям’ёй.
У Паўднёвы гарадок сёння з раніцы ідуць з жонкамі і дзецьмі тыя, для каго дэвіз “Дзе ПДВ – там Перамога!” стаў жыццёвым. Успомніць мінулае, паглядзець, чаго варты сённяшні “маладняк”, – гэта цікава былым вайскоўцам, аднак неардынарна правесці вольны час у гэты дзень могуць нават далёкія ад спраў армейскіх людзі. Насычаная праграма абяцае цудоўнае свята для гараджан і гасцей горада.
Вольга СВІРЫДОВІЧ, “НТ”.
Праграма мерапрыемстваў
9.30 – дзень адчыненых дзвярэй (КПП воінскай часці)
ПАКАЗАЛЬНЫЯ ВЫСТУПЛЕННІ:
! роты ганаровага каравула;
! ваеннага аркестра Брэсцкай ваеннай камендатуры;
! няштатнай парашутнай каманды;
! комплекс рукапашнага бою са зброяй і без зброі;
! паказ майстэрства валодання халоднай зброяй;
! баявы эпізод “Захоп і знішчэнне аб’екта праціўніка”.
ПАКАЗ:
! паветрана-дэсантнай маёмасці;
! баявой тэхнікі і рэчавай маёмасці;
! стралковай зброі, боепрыпасаў, сродкаў радыяцыйнай, хімічнай і біялагічнай абароны.
СВЯТОЧНЫ КАНЦЭРТ.