Беларусь

Два берасцейцы ўзнагароджаны ганаровымі знакамі “За адзнаку ў ахове правапарадку”


10 лепшых байцоў  атрадаў аховы грамадскага парадку прадстаўлялі Брэстчыну на рэспубліканскім вучэбна-метадычным зборы. Мерапрыемства праходзіла на базе вайсковай часці №3214 і факультэта ўнутраных войскаў Ваеннай акадэміі Рэспублікі Беларусь у Мінску.
Удзельнікі збору наведалі заняткі па прававой і тактычнай падрыхтоўцы, трэнінгі, прысвечаныя праблемам дзейнасці маладзёжных атрадаў правапарадку, рэалізацыі праектаў ГА “БРСМ” у сферы праваахоўнай прафілактычнай работы. Шмат увагі ўдзялялася абмеркаванню інавацыйных падыходаў у арганізацыі работы, псіхалагічным аспектам падрыхтоўкі байцоў, перспектывам развіцця работы з цяжкімі падлеткамі. Камандзіры і байцы атрадаў традыцыйна неслі патрульна-паставую службу ў складзе сумесных нарадаў з ваеннаслужачымі і міліцыяй. Ва ўсіх мерапрыемствах актыўны ўдзел прынялі байцы атрадаў “Альфа” (БарДУ), “Алмаз” (БрДТУ), “Легіён” (Пружанскі дзяржаўны аграрна-тэхнічны каледж) і зводнага атрада імя Гарадзецкага (ПалесДУ).
Першы сакратар ЦК ГА “БРСМ” Ігар Бузоўскі ўручыў лепшым байцам знакі  “За адзнаку ў ахове правапарадку”. Узнагароду атрымалі і нашы землякі: намеснік камандзіра атрада “Альфа” Баранавіцкага дзяржуніверсітэта Сяргей Азарчык і галоўны спецыяліст аддзела па справах моладзі аблвыканкама Юрый Сегянюк.
Вольга СВІРЫДОВІЧ, “НТ”.
Фота з архіва
абкама ГА “БРСМ”.

Два берасцейцы ўзнагароджаны ганаровымі знакамі “За адзнаку ў ахове правапарадку”
Оцените статью

Добавить комментарий

Авторизация
*
*
Генерация пароля