“Белаграпрамбанк” правёў розыгрыш прызоў гульні “Падары мару!”

“Белаграпрамбанк” правёў розыгрыш прызоў гульні “Падары мару!” у межах дзіцячай ашчаднай праграмы “Расці вялікі!”
Атрымліваць падарункі заўсёды прыемна, але рабіць іх удвая прыемней. У свой 20-гадовы юбілей “Белаграпрамбанк” шчодра дорыць падарункі сваім кліентам.
На гэтым тыдні іх атрымалі пераможцы рэкламнай гульні “Падары мару!”. У філіяле ААТ “Белаграпрамбанк” – Брэсцкае абласное ўпраўленне 7 верасня ўрачыста ўручылі каштоўны падарунак чатырохгадовай Людачцы Шуляк, якая прыехала з Лунінца з татам Аляксандрам Паўлавічам (на здымку). А Марыя Уладзіміраўна Янковіч з Баранавіч атрымала свой у Мінску. Гэтыя ўкладчыкі з’яўляюцца ўдзельнікамі дзіцячай ашчаднай праграмы “Расці вялікі!” і сталі ўладальнікамі гульнявых кансолей SONI PSP 3008PB. Магчымасць паўдзельнічаць у розыгрышы каштоўных прызоў або выйграць галоўны прыз (паездку ў “Дыснейлэнд Рэзот Парыж”) мелі кліенты, якія адкрылі ўклад на дзіця да 1 жніўня 2011 года ў рамках праграмы “Расці вялікі!”.
Пра важнасць праграмы для ўсіх, у каго ёсць дзеці, расказала Наталля Беляковіч, выконваючая абавязкі начальніка філіяла: “Праграме “Белаграпрамбанка” “Расці вялікі!” амаль 5 год. Ужо 1500 дзяцей у   нашай вобласці растуць разам з банкам: удзельнічаюць у акцыях і маюць падарункі ад банка на кожны дзень нараджэння. Віншаванне заўсёды праходзіць у цёплай сяброўскай атмасферы, і кожнае дзіця атрымлівае не толькі прэзент, але і зарад станоўчых эмоцый, добры настрой. Сёння лепшы клопат аб дзецях – гэта інвестыцыі ў іх будучыню. Наша задача –  падарыць ім мару. І мы робім гэта з задавальненнем”.
Насамрэч, ААТ “Белаграпрамбанк” на справе даказвае, што для яго важнымі з’яўляюцца не толькі дарослыя кліенты, але і тыя, хто толькі пачынае свой жыццёвы шлях. Банк дае рэальную магчымасць паклапаціцца аб заўтрашнім дні дарагога для вас чалавека – зрабіце гэта абавязкова! Дзякуючы дзіцячай ашчаднай праграме “Расці вялікі!” ваша дзіця будзе адчуваць клопат і абарону. Стаць удзельнікам гэтай цікавай праграмы можа дзіця да 16 год. Дарослы звяртаецца ў любое аддзяленне “Белаграпрамбанка” і афармляе ўклад па сістэме ашчаджання “Лінія росту” на імя дзіцяці. Даход па ўкладзе будзе тым большы, чым большымі будуць сума і тэрмін захавання.
“Лінія росту” дапамагае не толькі зберагчы грошы, але і павялічыць зберажэнні. Акрамя таго, ашчадная праграма “Расці вялікі!” дае магчымасць афармлення крэдыту на спажывецкія патрэбы праз крэдытную пластыкавую картку ААТ “Белаграпрамбанк” на спецыяльных умовах. У будучым, калі дзіця вырасце, а яго ўклад знаходзіўся ў банку не менш чым 1000 дзён, можна будзе аформіць крэдыт на навучанне “Студэнцкі”.
Ужо многія на Берасцейшчыне ўпэўніліся ў карыснасці прапановы “Белаграпрамбанка” для юных укладчыкаў. Аляксандр Шуляк, напрыклад, аб удзеле ў праграме “Расці вялікі!”, да якой далучыўся тры гады таму, аформіўшы ўклад на імя дачкі Людачкі, не шкадуе. Шчаслівы тата гаворыць: “Раю ўсім бацькам падумаць пра будучыню сваіх дзяцей разам з “Белаграпрамбанкам”. Паверце ў мары сваіх дзетак, і яны абавязкова спраўдзяцца разам з праграмай “Расці вялікі!”.
Ганна ІВАШЧАНКА,
студэнтка БрДУ
імя А.С. Пушкіна.