“Аблівайцеся халоднай вадой!”

– Здароўе чалавека, яго душэўны стан напрамую залежаць ад таго, які лад жыцця ён вядзе. Для таго, каб быць у добрай фізічнай форме, другі год запар я ў любую пару года абліваюся халоднай вадой. Тры-чатыры вядры ледзяной вады штораніцы на аголенае цела – і зарад бадзёрасці забяспечаны на цэлы дзень.
Водныя працэдуры на свежым паветры зніжаюць ціск, павялічваюць працаздольнасць, узнімаюць настрой. Спадзяюся, што, аднойчы паспрабаваўшы халодны “душ” на свежым паветры, вы ад яго ўжо ніколі не адмовіцеся.
Ігар МАСЬКО,
дырэктар ААТ «Стрыгава» Кобрынскага раёна