Намеснік прэм’ер-міністра Рэспублікі Беларусь Уладзімір Патупчык, намеснік старшыні аблвыканкама Мікалай Крывецкі, старшыня Пінскага райвыканкама Валерый Рабкавец прынялі ўдзел ва ўрачыстым адкрыцці новага корпуса санаторыя “Ясельда”. Цяпер адпачывальнікі змогуць паправіць здароўе ў водалячэбніцы, кабінеце калонагідратэрапіі, спелеакабінеце. У корпусе таксама размешчаны залы лячэбнай фізкультуры, танцавальная, гульнёвая і актавая. На аб’екце асвоена 6,7 мільярда рублёў.