На «прамой лініі» – Зянон Ломаць

2 красавіка 2010 года з 12 да 15 гадзін у Брэсце адбудзецца «прамая лінія» старшыні Камітэта дзяржаўнага кантролю Зянона Кузьміча ЛОМАЦЯ з жыхарамі Брэсцкай вобласці.
У ходзе «прамой лініі» вы зможаце задаць кіраўніку галоўнага кантрольнага органа краіны пытанні аб найбольш актуальных праблемах развіцця вашага рэгіёну, выказацца наконт работы службовых асоб, дзейнасці кантралюючых і наглядных органаў.
Старшыня Камітэта дзяржкантролю чакае ад вас канструктыўных прапаноў, накіраваных на выяўленне адмоўных тэндэнцый у эканоміцы рэгіёну, пошук дадатковых рэзерваў і магчымасцей для сацыяльна-эканамічнага развіцця вобласці і краіны ў цэлым, павышэнне ўзроўню жыцця грамадзян. Пад пільнай увагай Камітэта дзяржкантролю – дзейнасць прадпрыемстваў і арганізацый па разгрузцы складскіх запасаў і рэалізацыі айчыннай прадукцыі. Вы можаце выказаць свае ідэі і прапановы па пытаннях прасоўвання беларускіх тавараў як унутры краіны, так і за мяжой.
Сёння Камітэт дзяржаўнага кантролю адказвае за эканамічную бяспеку краіны. Для галоўнага кантрольнага ведамства аднолькава важныя як інтарэсы дзяржавы, так і праблемы простага чалавека. Таму кожны факт парушэнняў стане прадметам дасканалага разбору, а карысныя прапановы паслужаць асновай для аналізу.

Звярнуцца да Зянона Кузьміча Ломаця
і задаць сваё пытанне ў час «прамой лініі» можна
па тэлефоне ў г. Брэсце 8 (0162) 20-80-20.
Акрамя таго, пісьмовыя звароты, адрасаваныя старшыні Камітэта дзяржкантролю рэспублікі, можна да 2 красавіка пакінуць у спецыяльнай паштовай скрынцы, якая ўстаноўлена ў Камітэце дзяржаўнага кантролю Брэсцкай вобласці, ці накіраваць на адрас: 224005, г. Брэст, Камітэт дзяржаўнага кантролю Брэсцкай вобласці, вул. Міцкевіча, 3.