27 – 29 мая ў Мінску прайшла навукова-практычная канферэнцыя “Актуальныя праблемы будаўніцтва і развіцця Саюзнай дзяржавы”, прымеркаваная да 70-годдзя вызвалення Беларусі ад нямецка-фашысцкіх захопнікаў. Дэпутаты Парламенцкага Сходу Саюза Беларусі і Расіі, кіраўнікі іншых органаў Саюзнай дзяржавы, прадстаўнікі міністэрстваў, рэгіёнаў, навуковай грамадскасці і журналісты абедзвюх краін абмеркавалі гуманітарныя аспекты захавання гістарычнай памяці пра падзеі Вялікай Айчыннай вайны.