Стужку “Драўляны народ” пра рэзчыка па дрэве Мікалая Тарасюка паказалі ў Манпелье

Кадр з фільма «Драўляны народ». Фота signis.by
Дакументальная стужка “Драўляны народ”, якая расказвае пра вядомага рэзчыка па дрэве з вёскі Стойлы Мікалая Тарасюка, “засвяцілася” ў французскім горадзе Манпелье. Дакладней сказаць – заззяла самай яркай зоркай на IX Міжнародным фестывалі мастацкіх рамёстваў. Фільм беларускага кінадакументаліста Віктара Аслюка заваяваў Гран-пры – пятую ўзнагароду карціны.