“Беларускі саюз жанчын” – за мір і стабільнасць

У нядзелю адбудуцца выбары ў мясцовыя Саветы дэпутатаў Рэспублікі Беларусь 27-га склікання. У гэты дзень нам трэба будзе  прыняць адказнае палітычнае  рашэнне. Усё жыццё ў нашай краіне ў бліжэйшыя гады будзе вызначацца тым, ці прыйдзем мы на выбары і за якога кандыдата прагаласуем.
Мы, жанчыны, маці, жонкі, выдатна разумеем словы “мір”, “стабільнасць”, “упэўненасць у заўтрашнім дні”. Ад нас залежыць выбар такіх прадстаўнікоў ад вобласці, хто ў стане ўзяць на сябе адказнасць за Брэстчыну, хто сапраўды душой і сэрцам перажывае за будучыню нашых сем’яў, хто на справе будзе абараняць інтарэсы нашых дзяцей.
Таму мы заклікаем усіх выбаршчыкаў Брэстчыны  прыйсці на выбарчыя ўчасткі і прагаласаваць.
Праўленне абласной арганізацыі грамадскага аб’яднання “Беларускі саюз жанчын”.