Беларусь

Зварот ветэранаў і моладзі да выбаршчыкаў Брэстчыны


Мы, ветэраны Вялікай Айчыннай вайны, звяртаемся да вас напярэдадні выбараў у мясцовыя органы ўлады з заклікам знайсці магчымасць і прыйсці ў дзень выбараў на выбарчыя ўчасткі, а хто не зможа выкарыстаць такі варыянт – прагаласаваць датэрмінова ці падаць заяўку для галасавання ў дзень выбараў дома.
Ад таго, хто будзе выбраны ў склад мясцовых Саветаў дэпутатаў, у многім будзе залежаць, як будуць вырашацца ўсе нашы штодзённыя справы, а значыць, і ў цэлым ацэньвацца работа органаў нашай маладой суверэннай Рэспублікі Беларусь. Каму, як не нам, франтавікам, ведаць, што значыць згуртаванасць і мэтанакіраванасць у вырашэнні любой, нават самай цяжкай задачы.
Таму просім вас выканаць ваш грамадзянскі абавязак – прыйсці на выбарчыя ўчасткі і прагаласаваць за стабільнасць, бяспеку, за надзейную будучыню нашых дзяцей і ўнукаў.
КОТ А.М. – старшыня абласнога камітэта ветэранаў вайны абласнога савета ветэранаў;
САКАЛОЎ Н.І. – старшыня Брэсцкага гарадскога камітэта ветэранаў вайны гарадскога савета ветэранаў, абаронца блакаднага Ленінграда;
ІЗВАЛАВА Н.Я. – удзельніца Сталінградскай бітвы, член абласнога савета ветэранаў, дэпутат Вярхоўнага Савета Рэспублікі Беларусь XII склікання;
ЛАПА С.Я. – удзельнік абароны Масквы, ганаровы старшыня Драгічынскага раённага савета ветэранаў;
МАКЛЮК І.Р. – генерал-маёр у адстаўцы, ветэран Вялікай Айчыннай вайны.

МАЛАДЫЯ ВЫБАРШЧЫКІ БРЭСТЧЫНЫ!

Наша краіна знаходзіцца напярэдадні важнай грамадска-палітычнай падзеі — выбараў у мясцовыя Саветы дэпутатаў Рэспублікі Беларусь 27-га склікання, якія пройдуць 23 сакавіка 2014 года.
Ад нашага выбару, нашай актыўнай грамадзянскай пазіцыі, нашай згуртаванасці залежыць будучыня беларускага народа.
Актыўны ўдзел моладзі ў галасаванні – гэта наш удзел у кіраванні дзяржавай!
“Сёння будучыню выбіраеш ты!” – дэвіз сучаснага маладога выбаршчыка. Каб заявіць аб сваёй неабыякавасці да жыцця грамадства, кожны з нас павінен прыйсці на выбарчы ўчастак і зрабіць выбар у адпаведнасці са сваімі інтарэсамі і чаканнямі, прагаласаваць за кандыдатаў, якія падтрымліваюць курс на пабудову моцнай і квітнеючай Рэспублікі Беларусь!
Калі ты за стабільнасць і дабрабыт, за мір і росквіт – значыць, ты з намі! Менавіта ТВОЙ голас на выбарах можа стаць рашаючым!
Прагаласуем разам за будучыню нашай краіны!
Абласная арганізацыя грамадскага аб’яднання “Беларускі рэспубліканскі саюз моладзі”.

Зварот ветэранаў і моладзі да выбаршчыкаў Брэстчыны
Оцените статью

Добавить комментарий

Авторизация
*
*
Генерация пароля