Прафілактычная акцыя Дзяржаўтаінспекцыі «Увага – дзеці!» стартавала ў Беларусі 24 мая. Яна працягнецца да 8 чэрвеня. У ёй задзейнічаны супрацоўнікі ўсіх падраздзяленняў міліцыі грамадскай бяспекі аддзелаў унутраных спраў краіны. Для дзяцей і дарослых у гэты перыяд будуць праводзіцца выступленні, конкурсы, віктарыны, кіналекторыі ў дашкольных і агульнаадукацыйных установах, а таксама рэйды па кантролі за рухам дзяцей, дзяжурствы педагогаў і членаў бацькоўскіх камітэтаў.