Беларусь

  • Главная
  • Навiны
  • Заўчора адкрылі беларускую частку міжнароднага пункта пропуску“Перароў-Белавежа”

Заўчора адкрылі беларускую частку міжнароднага пункта пропуску“Перароў-Белавежа”


Заўчора была ўрачыста адкрыта беларуская частка міжнароднага пункта пропуску“Перароў-Белавежа”
Дадзены аб’ект – унікальны, бо знаходзіцца ў цэнтры Белавежскай пушчы і дае магчымасць жадаючым перасячы мяжу ў тым ці іншым напрамку як пешшу, так і на веласіпедзе. Пагранічны пераход не з’яўляецца кругласутачным, але ўжо цяпер за дзень можа абслужыць 100 чалавек. Будаўніцтва аб’екта вялося за кошт сродкаў рэспубліканскага бюджэту, у рамках дзяржаўнай інвестыцыйнай праграмы з мэтай паляпшэння інфраструктуры дзяржаўнай мяжы Рэспублікі Беларусь.
На адкрыцці сучаснага пагранічнага пераходу прысутнічалі старшыня дзяржаўнага пагранічнага камітэта Беларусі палкоўнік Аляксандр Баечка, старшыня Брэсцкага аблвыканкама Канстанцін Сумар (на здымку), прадстаўнікі мытні і пагранічных войск, а таксама дэлегацыя зацікаўленых служб з Польшчы.
Канстанцін Сумар адзначыў, што новы пункт мае вялікае значэнне не толькі для насельніцтва прыгранічнай зоны, але дае магчымасць павялічыць паток турыстаў у нацыянальны запаведны парк і тым самым прынясе важкі фінансавы прыбытак, заадно прапагандуючы прыгажосць беларускага краю.
Аляксей Ганчук “НТ”,
Камянецкі раён.

Заўчора адкрылі беларускую частку міжнароднага пункта пропуску“Перароў-Белавежа”
Оцените статью

Добавить комментарий

Авторизация
*
*
Генерация пароля