Беларусь

Рэзананс: “Баксёр… у тралейбусе”


Пад такой назвай у №51 ад 14 снежня 2012 года быў апублікаваны матэрыял, у якім гаварылася пра перавозку ў тралейбусе сабакі без намордніка і павадка. На публікацыю адрэ-агавала камунальнае ўнітарнае транспартнае прадпрыемства “Тралейбусны парк г. Брэста”. У адказе за подпісам дырэктара Ігара ЖМІНЬКО, у прыватнасці, сказана, што “вадзіцель, які ажыццяўляў кантроль за захаваннем бяспекі дарожнага руху, праводзячы продаж білетнай прадукцыі на прыпынках, мог не бачыць сабаку на задняй пляцоўцы з-за пасажыраў, якія знаходзіліся ў салоне. Разам з тым інфармацыя, размешчаная ў газеце, будзе даведзена вадзіцелям на агульным сходзе”.
Кіраўнік тралейбуснага парка праінфармаваў аб тым, што Правіламі аўтамабільных перавозак пасажыраў (пастанова Савета Міністраў 30.06.2008 года №972) не вызначаны парадак перавозкі буйных хатніх жывёл, у тым ліку сабак, у грамадскім транспарце рэгулярных зносін.
Сапраўды, такога пункта ў Правілах… няма. Але гэта не значыць, што грамадзяне могуць перавозіць у грамадскім транспарце каго заўгодна. Затое ёсць пункт у асобным раздзеле “Аўтамабільныя перавозкі пасажыраў аўтамабілямі-таксі”: перавозіць жывёл (сабак, катоў), птушак трэба ў клетках, скрынках ці мяхах, альбо сумках з водаўстойлівым дном. Сабака перавозіцца ў намордніку і кароткім павадку пасажырам не маладзейшым за 16 гадоў (сабака патэнцыяльна небяспечнай пароды – толькі дарослым). Гаспадар бярэ на сябе адказнасць у выпадку пашкоджання  маёмасці.
“У падобных абставінах пасажыры не павінны быць пасіўнымі назіральнікамі, а своечасова інфармаваць вадзіцеля аб знаходжанні ў салоне жывёлы, а таксама пра іншыя няштатныя сітуацыі”, – адзначае ў пісьмовым адказе дырэктар тралейбуснага парка Ігар Жмінько.

Рэзананс: “Баксёр… у тралейбусе”
Оцените статью

Добавить комментарий

Авторизация
*
*
Генерация пароля