У пух і пярынкі!

Трэці бой падушкамі ў брэсцкім парку культуры і адпачынку імя 1 Мая прайшоў на “ўра”

Арганізатары мерапрыемства, калектыў  “Radio START – Brest Internet Station”, вырашылі ў гэтым сезоне прысвяціць бітву 992-годдзю горада над Бугам. Ахвотнікі “пакалаціць” адзін аднаго, а гэта больш за 30 чалавек, раздзяліліся на дзве каманды: “белых” і “чырвоных”. Мэта вясёлага паядынку – з дапамогай падушкі адарваць шарык варожага колеру.
Амаль паўгадзіны доўжылася нялёгкае супрацьстаянне. Пасля апошняга трэцяга раўнда доўгачаканы пух і пярынкі ўпалі на поле бітвы, пераможцамі якой стала каманда “белых”.
Юлія КОСАРАВА,
г. Брэст.
Фота аўтара.