Юнакі сталі ў баявы строй, каб спасцігаць салдацкую навуку. Першыя тыдні службы асабліва цяжкія – ведаю па сабе. Але прайсці школу мужнасці – гэта пачэсны абавязак. Армія загартоўвае цела і характар, вучыць калектывізму і мужнасці. Сапраўднае адчуванне таго, што ты – салдат, прыходзіць пасля прыняцця воінскай прысягі.
Урачысты рытуал нядаўна прайшоў і на пункце прыёму маладога папаўнення 8-й радыётэхнічнай брыгады, які дыслацыруецца ў Баранавічах. Навабранцы прысягнулі сваёй Айчыне і цяпер могуць лічыць сябе салдатамі на законнай падставе.
Як правіла, у гэты дзень дзверы былі адчынены для ўсіх жадаючых. Сустрэчы з бацькамі, роднымі, сябрамі… У кагосьці з матуль на вачах слёзы, хтосьці дачакаўся хатніх прысмакаў, якіх вельмі хочацца напачатку службы. Бясконцыя размовы –
і дзень пралятае, як гадзіна. Для іх гучыць каманда стаць у строй. Для бацькоў і каханых дзяўчат наступаюць працяглыя дні чакання і ў той жа час супакаенне – хлопцы служаць Радзіме. Яны становяцца мужчынамі.
Аляксей ГАНЧУК, “НТ”,
г. Баранавічы.
Фота Людмілы КАСМУЛІ.
У воінскіх падраздзяленнях Берасцейшчыны навабранцы 2012 года прынялі прысягу
