У Брэсцкім дзяржаўным універсітэце імя А.С. Пушкіна прайшоў адкрыты конкурс маладых аратараў “Майстар слова-2011”

Месцы журы размеркавала ў дзвюх катэгорыях: малодшай, дзе спаборнічалі школьнікі, гімназісты і ліцэісты, і старэйшай – там выступалі студэнты. У першай групе трэцяе месца атрымала Ганна Дырыкава з гімназіі №1 г. Брэста, другое – Маргарыта Валошка з 2-й брэсцкай гімназіі, першае – Ганна Козіч, навучэнка абласнога ліцэя імя П.М. Машэрава. У старэйшай катэгорыі “бронза” – у Міхаіла Семаненкі (эканамічны факультэт БрДТУ), “серабро” атрымала Вольга Куставая (псіхолага-педагагічны факультэт БрДУ імя А.С. Пушкіна), “золата” – У Сінь (філалагічны факультэт БрДУ імя А.С. Пушкіна).
Слова мае вялікую сілу: яно можа знішчыць, а можа падняць з зямлі. Умець яго выкарыстаць правільна – значыць, мець у руках вялікія магчымасці. Будзем спа-дзявацца, што маладых аратараў ніколі не пакіне натхненне, і яны накіруюць усю сваю слоўную сілу ў бок міласэрнасці і дабра.
Вікторыя ПРЫКОТА,
студэнтка I курса БрДУ імя А.С. Пушкіна.