Беларусь

  • Главная
  • Увага! Конкурс!
  • Да 20 чэрвеня прымаюцца работы на абласны конкурс агітацыйна-прафілактычных матэрыялаў па процідзеянні распаўсюджванню наркатычных сродкаў і псіхатропных рэчываў

Да 20 чэрвеня прымаюцца работы на абласны конкурс агітацыйна-прафілактычных матэрыялаў па процідзеянні распаўсюджванню наркатычных сродкаў і псіхатропных рэчываў


Нам патрэбны антынаркатычны імунітэт. Асабліва – моладзі, якая, на жаль, не заўсёды ўмее гаварыць “не!” не толькі шкодным звычкам, але і смяротна небяспечным схільнасцям. Таму без фарміравання здаровага ладу жыцця, без арыентацыі на маральна-духоўныя і культурныя каштоўнасці, без стварэння ўстойлівых негатыўных адносін да спажывання наркатычных сродкаў і псіхатропных рэчываў не абысціся. Вось якім мэтам павінен паслужыць абласны конкурс “Скажы “не” наркотыкам!”, прымеркаваны да Міжнароднага дня барацьбы з наркотыкамі і наркабізнесам, арганізаваны ўпраўленнем унутраных спраў аблвыканкама з удзелам аддзела па справах моладзі, абкама БРСМ, галоўнага ўпраўлення ідэалагічнай работы і ўпраўлення адукацыі аблвыканкама.
Работы трэба адправіць на электронны адрас uvdbrest@brest.by да 20 чэрвеня. У заяўцы абавязкова ўказаць прозвішча аўтара, імя, імя па бацьку ці назву калектыву аўтараў, узрост, назву конкурснай работы, месца вучобы ці працы, хатні адрас, e-mail, нумар кантактнага тэлефона. Вы можаце  скласці па тэме конкурсу верш, слоган, намаляваць плакат, стварыць лістоўку, зняць відэаролік (да 2 хвілін). Работы павінны быць арыгінальнымі і створанымі выключна для гэтага конкурсу.
Матэрыялы будуць размешчаны на сайце УУС аблвыканкама (uvdbrest.by),  за іх можна будзе прагаласаваць. Такім чынам вызначаць уладальніка прыза глядацкіх сімпатый. Пераможцаў жа назавуць у намінацыях “Лепшая творчая літаратурная работа”, “Лепшая наглядная агітацыя”, “Лепшы відэаролік”. Плануецца, што матэрыялы конкурсу выкарыстаюць для агітацыйна-прафілактычнай работы і пры правядзенні мерапрыемстваў па прапагандзе здаровага ладу жыцця.
Лідзія КУРБАТ, “НТ”.

Да 20 чэрвеня прымаюцца работы на абласны конкурс агітацыйна-прафілактычных матэрыялаў па процідзеянні распаўсюджванню наркатычных сродкаў і псіхатропных рэчываў
Оцените статью

Добавить комментарий

Авторизация
*
*
Генерация пароля