Беларусь

Воінства зямное і… нябеснае


Частка насельніцтва скептычна ставіцца да сумесных мерапрыемстваў дзяржавы і царквы, але Бог бачыць сэрца кожнага
Царква шануе Архістраціга Міхаіла як кіраўніка нябеснага воінства (з грэч. архістраціг – ваеначальнік). Разам з ім анёлы выступаюць супраць д’ябла і ўсялякай беззаконнасці сярод людзей, як воіны, стаяць на варце Закона Божага. Яны і ёсць  воіны, толькі нябесныя. Вось таму асаблівую ўвагу гэтаму святу надаюць нашы зямныя воіны – пагранічнікі, якія таксама стаяць на варце мірнага жыцця. Органы пагранічнай службы Беларусі лічаць Архістраціга Міхаіла сваім заступнікам і амаль 10 год адзначаюць яго дзень. Ужо тысячу год існуе саюз царквы і арміі, якую гвалтоўна спрабавалі адлучыць ад веры ў XX стагоддзі. Сярод воінаў таксама шмат святых, напрыклад, вялікія палкаводцы Аляксандр Неўскі і Дзмітрый Данскі, князі Барыс і Глеб, флатаводзец Фёдар Ушакоў, Георгій Перамаганосец і іншыя.
Адраджэнню слаўных традыцый паспрыяла Пагадненне аб узаемадзеянні, падпісанае ў 2003 годзе паміж Беларускай праваслаўнай царквой і Пагранічнай службай Рэспублікі Беларусь. Сёння за кожнай заставай замацаваны святар, праводзяцца богаслужэнні, індывідуальныя і калектыўныя гутаркі з салдатамі, прапаршчыкамі і афіцэрамі, ствараюцца праваслаўныя куткі і бібліятэкі, асвяшчаюцца памяшканні.
Брэсцкая пагранічная група, у прыватнасці, стала ініцыятарам будаўніцтва храма і ў гонар святых Аляксандра Перасвета і Андрэя Асляблі. Салдаты маюць і сваю харугву (царкоўны сцяг) з выявай Святога Архістраціга Міхаіла (на здымку).
Частка насельніцтва скептычна ставіцца да сумесных мерапрыемстваў дзяржавы і царквы: маўляў, гэта так, для “птушачкі”, але Бог бачыць сэрца кожнага – хто для “птушачкі”, а хто і не… Вось і пагранічнікі прыходзяць у царкву па сваім жаданні, бо гэта іх патрэба духоўная.
Лілія КАШТАНЮК, “НТ”.
Фота аўтара.

Воінства зямное і… нябеснае
Оцените статью

Добавить комментарий

Авторизация
*
*
Генерация пароля