Міхаіл СТАХЕЙКА, галоўны ўрач Драгічынскага раённага цэнтра гігіены і эпідэміялогіі: “Пачніце з хвіліны бегу…”

– Трэба выключыць са свайго жыцця схему “праца – канапа”. Рухальная актыўнасць паўсюдна! Я некалі адкрыў для сябе сістэму Кенета Купера, пачытаў кнігу “Аэробіка для добрага самаадчування” і… заняўся бегам. Пачынаў з адной хвіліны бегу на месцы, паступова павялічваючы час практыкавання, потым пачаў бегаць па вуліцы і дайшоў у прабежках да 20 кіламетраў.
Імкнуся і калектыў прыцягнуць да заняткаў фізкультурай. У цэнтры зрабілі трэнажорную залу. Праз газету звярнуўся да землякоў, каб яны варушыліся, а не “ліплі” да тэлевізараў ды камп’ютараў. Сам пераканаўся: жыццёвы тонус паляпшаецца, фізічныя нагрузкі запавольваюць працэс старэння, толькі падыходзьце да іх з розумам – улічвайце свой узрост!